نكتة رئاسيّة

قالك مرّة في سهريّة لمّت رؤساء دول العالم، واحد تطوّع بش يعمل تمثال لكلّ رئيس و تفاهموا بش هاالتّمثال يكون للنّصف الفوقاني متاع البدن.

هيّا بعثوا جابوا نحّات و لمّا وصل بدا ينشد في الرّؤساء كيفاش يحبّوا تمثالهم
الأمريكي بوش قالّو نحبّك تعملّي اليد اليمن أطول ببرشا من اليد اليسار بش ترمز أني ممكن نمدّها و نساعد الأمريكي في أيّ مكان

الفرنساوي ساركوزي قالّو نحبّك تعملّي الوذن اليمين أكبر ببرشا من الوذن اليسار ، بش ترمز أنّي نسمع ونهتمّ بالشّعب

جا دور رئيسنا الصّنديد وبعد ما نصف ساعة و المستشارين متاعو يفهّموا فيه آش معناها رمز ويوصّيو فيه بش ما يقولش كلام زايد ، قاللهم أنا نحبّ تعملولي بزّولتين كبار برشا , وحدة يرضعوا منها جماعتي والاخري لجماعة مرتي ، غزرلو النّحّات و قالّو "والشّعب آش بش يرضع؟" قالّو عادا انتوما قلتو التمثال للنّصف الفوقاني متاع البدن بركا...