Wednesday, February 7, 2007

كلام اللّيل : توفيق الجّبالى





ثمّة ملك


ثمّة ملك ياسر ياسر ناس ملاح حتّي ... مسّطها
أعرف اللّي عمرو بالعمر ما شاف حبس في حياتو. علاش موش نهار متعدّي بالصّدفة قدّام حبس قاللهم : عرّضتلكم الجاه قولولي هذا آشنوّه ؟
قالولوا : هذاكه يا سيّدنا إسمو ؟؟؟ اسمو ... مسرح. قاللهم : أيواه ، وروّح لسرايته ومن نهارتها كلّ واحد يحبّ يكرّمو و يفرح بيه ... يبعثوا للمسرح.

جابولها


جابولها بلالط و فرادي و شناشن و شرك و قلايد و خلاخل و دبلج و خواتم و أقراط امّا خسارة راجلها طلع سارق، اللّيل طاح منّا وهو غارلها علي الملمّة و اللّي ثمّة و شمّع الفتلة ، وعلي ما هو طمّاع عاود رجع و هزّها هيّ معاهم.

علي ذكر الخليج


-علي ذكر الخليج
قالّك جماعة "بم بم"؟
أوّل ما سمعوا "طاف طاف"
عملوا "فر فر"
مشاو للن..دن
ما قعدوا غادي كان "الحت الحت"

نهار العيد


نتفلو شعرو،
و فطّسلو خشمو ،
و هبّطلو قوايمو ،
وقلّعلو وذنيه ،
و فقّسلو عينيه ،
و بلّعلو زروسو ،
و بال عليه ،
ولوالو عنكوشو ،
و كلالو قلبو ،
و شربلو من دمّو ،
و طلّعلو روحو.....
ومن بعد كيف جاء العيد...تسامحوا.

ثمّة حاجة


-ثمّة حاجة ما فهمتهاش
فاش قام يعملوا في يوم للنّظافة و ما يعملونّاش بالقليلة نصيّف نهار للوسخ
ما دام بلادنا ديمقراطيّة يلزمها تبجّل الأغلبيّة.

-ثمّة حاجة لتوّا ما زلت مافهمتهاش
علاش العظم ما يتباع كان بالحارة
بينما الكلاسط يتباعوا كان بالزّوز.

قالّك



قالّك التشيشين مساكن السّنة عدّاوا شهر سيدي رمضان بكلّو فاطرين علي خاطر قالّك كلّ ما يسمعوا ضربة متاع مدفع يسخايلوه المغرب أذّن.
-قالّك تونس. عازمة علي كسب معركة التّصدير
اشنوّة الصّعيب.. من قلّة النّاس اللّي متصدّرة في القهاوي...

-ثمّة بلدان عرفت كيفاش تتخلّص من حكاية حقوق الإنسان
تقول انت زادت في الحقوق؟؟
لا...لا...نحّات الإنسان



حضرات الأخوان


يظهر لي حضرات الأخوان
لقد آن الأوان وأعوذ باللّه من كلمة آن ..الأون
باش نحكيوا علي السّلطان وما جري له مع وزيرو اللّي يدوّر في الزّيرو
ومع سيرو اللّي جبد سفيرو
دار لمديرو وقالّو دبّرعليّ يا مدير آش بندير، ياخي خرّجلو البندير
فهم السّلطان اللّي السّلط..آن ..متاعو في الميزان ..مع بني الإنس...آن
ولّي فيسع لمّ الجان و كوّن منهم لجان..وحطّهم يعسّولوا علي الصّول..جان
ومن نهارتها قامت القيامة و شاشت النّعامة..هيّا تواّ تقعّدوا السّلامة...


11 comments:

Sami III said...

loool :)
merci pour cette pause rire, je ne connaissais que la dernière

maxulaprates said...

khouya yarham weldik !

ama ena ma préférée c'est la toute première fil kteb

- chcht ..
- chnoua ?
- tasmaa fi haja?
- lé
- mela lezem hedheka wsakh wedhnayya

=)))))))

Asma said...

Merci pour ces passages
Tres marrants et à découvrir!

Anonymous said...

quoique je n'aime pas trop le personnage, son humour est largement au-dessus de la moyenne...mais non renouvelé depuis des lustres :)

SAFOne said...

loooool

Slaim said...

trop forte mte27ou9ou9 il incen:-)

Unknown said...

ama mizzel 9albek m3ebbi inti hein ! :))

samsoum said...

@cold pizza: Ti 3leh ya wildi? 3omro ma kan 9albi m3ebbi. C'est tout juste des extraits d'une piece de theatre, dont le livre se vend dans les librairies Tunisiennes. Fammachi 7aja ghalta hna? Ana bsara7a wallit 5aief minnek :-)

Unknown said...

ce livre est vraiment un chef d'oeuvre.

Normalland News said...

خبر عاجل…تحويرات وزارية خطيرة في نورمالاند و عزلكم عن مهامكم الوزارية

Big Trap Boy said...

On ne s'en lasse jamais!

Zidna zidna ya 7ajj samsoum!

:)))