Monday, June 25, 2007

الباكالوريا في أوّل الثّمانينات



هاني لقيت النّاس الكلّ تحكي علي الباكالوريا من المدوّنات لكلّ التّليفونات اللّي عملتها لافراد العايلة اللّي نجحوا ، عادا قلت خلّي نكتب في الموضوع ونتفكّر في نفس الوقت أّيّام زمان بالرّغم اللّي نعرف اللّي أكثريّتكم شباب وما تحبّوش حكايات من نوع يا حسرة علي جماعة بكري وكان عندو بونية ، كان عندو مقصّ :)) واللّه حتّي أنا مع أولادي نتجنّب ها لموضوع أمّا هذيّا بصراحة قالتلهم اسكتوا و منّجمش نشدّ روحي

يا سيدي ، أنا وأعوذ باللّه من كلمة أنا خذيت الباك من معهد الصّادقيّة في أوّل اثّمانياّت ونعمل هنا وقفة صغيرة بشنقلّكم قدّاش تشوكيت السّنا كي عرفت اللّي الصّادقيّة ولاّت ميكست بنات و أولاد ، ما نعرفش بصراحة علاش ما هضّمتهاش مع أنّي من المدافعين علي حقوق المرأة ، أما هذيّا شوكاتني . كاينّوا واحد قالّي اللّي حانوت عمّ المنجي الحجّام ولاّت ميكست. الصّادقيّة كانت معروفة أولاد صافي، كيما معهد نهج روسيا ومعهد نهج الباشا كانو بنات صافي وكان فمّا اتفاقيّات متاع صداقة بين الصاّدقيّة و المعاهد المذكورة أعلاه بحيث جماعة الرّبط يهبطوا علي باب بنات باش يخلطوا علي بنات نهج الباشا و جميعة باب بحر والرّبط الآخر يهبطوا علي جامع الزّيتونة و يقصّوا علي نهج سيدي علي عزّوز ولاّ نهج سيدي بن عروس و يقصّوا علي الخربة ،يقصّوا نهج باب الجزيرة باش يطيحوا كفّ و غرزة علي بنات نهج روسيا اللّي في الحقيقة يستعملوا الباب اللّي علي نهج أنقلترا. ها الثّرثرة الكلّ باش نعيّشكم الجوّ متاع الوقت آذاكا. ومنحبّش ننسي بالمناسبة القيّم العام متاعنا آك اوقت ، سي السّعيدي اللّي كانو حيّ ربّي يطوّل في عمرو وكانو توفّي اللّه يرحمو وينعّمو.

حاسيلو، اليوم وأنا نكلّم في أقاربي اللي عندهم صغيّرات نجحوا، فمّا حاجتين شدّوا انتباهي، الأولة اللي حتّي لطوّا ما سمعتش بواحد ولاّ وحدة دوبلت ، و الحاجة الثّانية اللّي واحد من أقاربي بنتو نجحت بمعدّل 14 واش وقعدت ليلة كاملة تنوّح على خاطر المعدّل هذا صعيب باش يدخّلها للجامعة اللّي تحبّ عليها اللّي هيا جامعة تجاريّة معروفة؟؟

باهي نرجعوا لحكايتي أنا و أعوذ باللّه من كلمة أنا، أنا خذيت الباك و عمري 17 سنة واش علي خاطر الببّاصات يرحم واديهم قبلوني و عمري خمسة سنين وخذيت الباك وقتها بمعدّل 15 واش اللّي وقتها خلاّني نكون من ضمن المئة او الميتين الأوّلنين في الجمهوريّة. الحاصل كان باك علوم رياضيّات و وقتها ما كانش فمّا كان هذيكا ولاّ آداب اللّي كان الأوّل في تونس ما يحلمش ب 12 في الباك و تقنية رياضيّات اللّي كانت نادرة برشا. الآداب كان نجحوا 8 في الميا راهو عام صابا. الماط سيونس كان في حدود 12 أو 13 في الميا يعني الطّايح أكثر ببرشا من الواقف و أولاد الكرز اللّي ما ينجحوش في تونس بعد عامين و ثلاثة يبعثوهم يعدّيو في الجزائر ولاّ يمشيو لفرنسا يقراو عام و يعدّيو باك اقتصاد.

الحاصل، معدّل 15 في هاك الزّمان تدخل بيه حتّي لمدرسة الطّيران متاع برج العامري اللّي في الوقت هذاكا كانت تقبل عشرة أنفار في العام. المدرسة القوميّة للمهندسين كان تقبل 200واحد في المرحلة الطّويلة باك+6 وما يوصلوا للآخر كان 60، آش قولكم؟؟

طوّا بعد ما نرفزتكم و تفزعكت عليكم بحكاية يا حسرة يا زمان، تنجّموش تفهّموني بالرّاحة والتّفصيل المملّ كيفاش واحد ياخو الباك بمعدّل 19.95 ومازال فماّ فلسفة اللّي كان واحد ياخو فيها 9 يولّيو يعّيتولو أفلاطون وفي نفس الوقت باهي في الرّياضة والأنقليزيّة و ما نحكيوش علي الماط و الفيزيك علي خاطر هذوكم ننجّم نتقبّل 19.95 فيهم. تي شنوّا ياخي محكوم علينا بالنّتايج متاع 99.95في المية كيما في الانتخابات؟؟؟

هيّا عيّش وليداتي ما تتغششوش من عمكم سمسوم، راهو فخّار بكري :)) وخوذوه علي قدّ فهمه وفسّرولو حكاية 19.95


26 comments:

Anonymous said...

Le bac avant les années 1990 était un examen de sélection. De nos jours, la sélection ne se fait plus au bac, mais plus tard, a la maitrise, au DEA ou au doctorat.

Abdou said...

bellahi ki kont fisaad9ia, kont etna99el?
malla hala fikom

FREE-RACE said...

ما حيرتنيش المعدلات اللي ينجموا يقيدوها في دفتر غينز للغرابة......اللي حيرني هو الأعداد المسندة في الفلسفة....ظاهرلي اللي فلسفة تو تبدلت... والمفاهيم متاع روسو و أفلاطون إكتسبوا أبعاد جديدة قابلة للفهم المطلق...بما يتلائم مع خصوصيات المرحلة...

Anonymous said...

3ami samsoum c'est trés simple
a7na 9wiiiiiiiiiiiiiin a3likoum!!!
netfarjou 3ala hayfa wahbi,neklou barcha yaourt ou na9raw outit!
l'année prochaine, ma cousine passera son bac!! cette année elle a eu au début (8) puis (8) puis 13 !!!
elle m'a di kbeset rouhi a la fin !! je ne sé pas kifech kibsetha rou7ha !!

Naddo_O said...

يا سي سمسوم هاني باش نفسّرلك في كليمتين:

أوّل حاجة، البرامج ماشين و يخفّفوا فيها، شطر اللّي كان يتقرى بكري طيروه

ثاني حاجة، لا عاد فمّا تخمم و لا تخديم مخّ، دزّ على الدّروس الخصوصيّة و انتي مطمن على خاطر كلّ ما ينجّم يجي في الإمتان باش تشوفو بطبيعتك من قبل
و الّي ما عندوش حقّ الدّروس هاذي ليّا وليه ربّي

ثالث حاجة توّا فمّا موادّ كيف الفلسفة اللّي في العادة معدّلاتها منخفضة، ولّاو يعطيو فيها 18 و 19 و حتّى 20 ... أي نعم 20 معناها يقوم أفلاطون من قبرو يقولوو برّى ألعب بعيد، و هذا لأنّو الأعداد ولّات تتعطى بالحساب معناها الكلمة الفلانيّة تسوى كذا والفكرة الفلانيّة تسوى كذا حتّى لين توصل لل 20

رابع حاجة وهيّ الأهمّ فمّا حكاية الموادّ الإختياريّة و هاذي حكايتها حكاية. يا سيدي التلميذ عندو الحقّ في أكثر من مادّة إختياريّة، الأوّلة فيهم تتحسبلو مع الموادّ لخرى في المعدّل في حين إنّهم الأخرين يتزاد إلّي فوق ال10 منهم للمجموع طول. يعني مثال واحد ماخو 3 موادّ إختياريّة و جايب فيهم 18 الثّلاثة، ال18 لولى تدخل في المعدّل و يتزادولو 8 + 8 للمجموع يعني بما قيمته أكثر من بونتو في المعدّل

هكّا ولّاتشي المسألة واضحة؟

Anonymous said...

bonjour si samsoum,

ce "gonflage" des moyennes en Bac peut s'expliquer aussi par la multitude d'options (langue,dessin , musique..etc.),si tu as en bac une note inférieure à 10 dans l'une de ces options ca ne se compte pas dans ta moyenne générale par contre si tu dépasse la note de 10 ben on te compte les points en plus dans ta moyenne sans les coefficients de ces matieres biensur, càd si ta 18 en musique ben ta oui 8 pts de plus dans ton total global de points qui sera divisé par un coefficient (le coefficient de musique n'est pas compté)....

et voilà le tour est joué ....ta moyenne peut meme depasser 20 ...c chelou tout sa....

Anonymous said...

Moi je vais revenir plus loin, quand j’ai passer mon sixième les résultats étés publiés sur les journaux. J’été à l’école primaire de sidi Ali Azouz on n’étés que trois à l’avoir réussi dans ma classe. Je ne me rappelle pas exactement combien au bac, mais je me rappelle bien de ma première année droit au Campus, on comptait quelques 550 étudiants. Le jour de proclamation du résultats nous n’étions que 15 admis en écris, 12 seulement on réussi les épreuves orales et ont définitivement passés en deuxième.

Après la fin de mes études je garde encore une boite d’archive des proposition de travail que j’ai eu, j’avais reçu plus que 100 à cette époque on recevait des propositions de travail sans avoir fait des demandes, banques assurances, ministères et entreprises publiques étés en concurrence pour les recrutements…

J’avais choisi de quitter le pays à paris j’ai fait veilleur de nuit dans des hôtels pour financer mes études c’été 100 Francs la nuit l’équivalent de 20DT. Mes camarades de promotion les mieux loti ont étés magistrats à 74 DT par mois. C’été juste quelques années avant l’obtention de Samsoum son Baccalauréat.

Je ne peu pas dire que le système d’avant été meilleur, on n’a toujours pas réussi à trouver le système parfait.

Adem Salhi said...

هيا سيدي باش نفسرلكم حاجة بسيطة ياسر؛ راهو انو النتائج تطلع خايبة ولا النوتات يكونو شوية عمرو ماكان دليل على انو النظام هذاكا باهي؛ بالعكس من المفروض انو النظام اللي تنجح فيه التلامذة اكثر هذاكا نظام ناجح؛ تبقى هل معادلة هذي ماهيشي ديما صحيحة كيما هو الحال في تونس؛ لحكاية كيفاش باش ينجح؛ هل هو نجح على خاطرو فعلا باهي ولا على خاطر لازم الناس الكل تنجح؟؟ او بما اني نخدم في السلك هذا نحب نقوللكم اللي المشكلة الاساسية ماهيش في البرامج؛ البرامج او رغم بعض النقائص اللي فيها اغلبيتها باهية او ثرية؛ المشكلة في غياب التقييم الصحيح؛ النظام التعليمي متاع توة يقولك لازم التلميذ ينجح مهما كان الثمن؛ والاستاذ اللي تلقاه نوتات خايبة يعفوه في روحو تبدى من المدير و الاولياء او تكمل بالمفقد؛ او نزيدك معلومة في التعليم الابتدائي المعلم اللي عندو تلميذ ما ينجحش يعملولو استجواب في شكل تحقيق بوليسي في الادارة الجهوية؛ الكلام هذا راهو صحيح ماهوش فدلكة؛ دونك شي ولي يعمل المعلم المسكين؛ جيبلهم حاجة ساهلة او زيد عاونهم في الامتحان خلي نسلك بركة؛ او التلميذ هذا اللي ما نجحش معناها راهو جايب 5 معدل على خاطر جماعة 8 او 9 عندهم فورميلات تنجحهم بالقانون او تخرالو فيه-سامحوني على هل الكلمة-
@nadou
باهي توة باش نحكي على حكاية كيفاش الواحد اينجم يجيب 20 في الفلسفة؛ آشنهي المشكلة؟؟ آخي اللي يجيب 20 في المات هو اينشتاين؛ ولي جيب 20 في الكورس هو بن جونجسون؟؟؟باش تقولولي لا عاد موش كيف كيف؛ هذاكا علم صحيح؟ او لاخر مربوط بالتوقيت؛ اول حاجة لازم نفهموها الي الامتحان هو تمرين يطالب فيه التلميذ بواجب معين؛ الواجب هذا نعطوه فيه عدد من صفر الى عشرين يقسم العدد حسب ماهو مطلوب من التلميذ؛ لان الامتحان هو تمرين لازم اللي يعملو يعرف روحو آش قدم من معلومات للتلميذ او التمرين هذا باش يختبر فيه قدرة التلميذ على التعامل مع ما قدم له في الدرس؛ يعني المطلوب من التلميذ في تمرين يجب ان يكون واضحا ومحددا من واضع التمرين؛ اذا قام التلميذ بواجبه كاملا فانه يحصل على العدد كاملا؛ اذا كان عمله منقوصا فان العدد ينقص عن العشرين حسب معايير دقيقة يحددها الاستاذ هذه المعايير تكون معروفة للتلاميذ و في الفلسفة مثلا تكون ضرورة ان تكون هناك مقدمة و منهجية صحيحة و نقاش ..الخ؛ اذا استوفى التلميذ كل شروط التمرين فانه يحصل على العلامة الكاملة؛ هذا بديهي؛ او باهي كي الواحد يعمل كل شيء مطلوب او يعطوه 15؛ سؤالي لهني ال5 بونتو لخرين وين مشوا؟؟؟ تبخروا؟؟ ولا معناها انت عاطي التلميذ من الاول تمرين على 15 في حين انو ااعدد على 20 او هذا خطأ بيداغوجي كبير؛ معناها بالضبط كيما واحد في الفيزيك يجيب كل شيء صحيح تعطيه 15؛ قال شنهي انت ماكش اينشتاين او ماكش باش تطلعنا نظرية جديدة؛ كل امتحان هو تمرين يجب ان يكون فيه المطلوب واضحا و يسند فيه العدد حسب استوفاء التلميذ لهذا المطلوب؛ تبقى مشكلة او واحد يصلح يعطي 16 او لاخر يعطي 17؛ هذا راجع لطبيعة المادة اللي ينجم التقييم فيها يختلف شوية؛ اما عمرها ما تصير واحد يحط 1 او لاخر يحط 14 كيما نسمعوا ساعات في حديث القهاوي؛ على خاطر ثمة مقايس محددة لاسناد العدد

Naddo_O said...

@adam: sama7ni adam, ana fehma le7keya mta3 il mou3adlet fil falsfa 3lech tbaddlet, mais manich mouef9a 3al klem illi t9oul fih, 3la 5ater il far9 mabin il math wil felsfa par exemple, houa innou fil math 3el s7i7 wil ijaba ma fammech minha mya, fi 7in innou fil falsfa w law innou ettilmi4 3andou manhaj behi a 9al il ma3loumet illi tla99aha fil dars mte3ou, illa annha il felsfa ma fihech 3elm s7i7, w ynajjem yti7 bik telmi4 y4iflik 7aja , ro2ya 5assa walla yorbotlik mabin afkar mou3ayna btari9a jdida w tnajjem tkoun s7i7a zeda. ma3neha illi na3tioueh 15 mahouch mit4arrer, ama kif na3tiou 20 3la il manhaj wil ma3loumet, w yti7 bik we7ed 3andou 3er9 il falsfa w 3andou i4afa, houa illi bech yit4arrer, 5ater yama ma tzidou chay walla 9addech bech ta3tih? 21 ?

il mawad illi kif il falsfa wil les dissertations etc. ma yjich fehom note kemla 5ater dima il i4afa momkna, w dima famma ma yitzed, ma3neha il kamal mahouch maoujoud.

fi mawad o5ra s7i7 famma des méthodes mo5talfin w des façons différentes de faire des démonstrations etc. mais dima il raisonnement yo93od houa bidou w fi moutanawel il jami3, wil 9aoue3id thebta winnatija wa7da.

ken bech nwalliou notlbou mil telmi4 innou yektib bil gda w y3aoued illi t3almou fil 9esm, ma3adech falsfa twalli, twalli 7aja o5ra ma fihech i4afa cha5sya, w wa9tha nitfehim m3ak fil système de notation. w zid 3la he4a innou wa9telli tra 9addech famma des notes tal3in w tchouf illi le niveau des élèves en langue taye7 yesser, 3la chkoun bech tjed kif t9olli manhaj w lougha billehi ? ana choft des copies de philos d'élèves fil bac w na3ref chnoua illi yektbou fih, aghlabhom y3aoudou fi joumal 9raouha w kitbouha fi krarishom ,ma3neha le7keya wallet 7fa4a fi 7in innha 9bal kenet oumour mo5talfa. he4a houa echay illi y5allina n9oulou illi enni4am he4a mahou behi lil niveau mta3 ettlem4a, 5ater ken kol chay 7fa4a ma 3malna chay fil am5a5, wa9telli hya il falsfa be4et mil mawad illi il hadaf minha ta9ouim il raisonnement mta3 ettilmi4 w 9odrtou 3la rabt afkar wttawassol ila nata2ij. w he4i mouchkla mahich 5assa bil falsfa, ti hya 7atta il math wil physique ynajjmou ytayrou minha chouaya la note à cause des questions illi fehom des interprétations et bcp de rédaction pour les mêmes raisons, wil 20 kenet s3iba yesser 7atta ken il ijebet ilkol s7a7, ma3neha il mochkla mahich mitwa9fa 3la falsfa walla mouch falsfa, wa innama 3la kifech les méthodes mta3 tawa ma3adech ychaj3ou 3al to5mem wil i4afa

FREE-RACE said...

@adam: madémek fel domaine mta3 etta3lim; tnejjemchi eddabrenna sujet mta3 falsfa mestawfi lel ma9ayis lkol w ki mérite 18, 19, walla 20.....je suis trés curieu de lire un...:lawajt fel jarayed mais j'ai pas trouvé: je ma rappelle, 3amin ltéli, qu'on a publié fel sabé7 , l'essai d'une eléve qui a eu 20...c'etait presk parfait...ama kima 9alet naddou: je ne kroi pas que ça merite la note complete, il fo quand meme prevoir une marge de 3 ou 4 points reservés aux approches et aux idées totalement ingenieuses originales et coherantes...il ne suffit pas de bien repondre et de bien rediger et de bien cités les idées acquises au cours pour avoir un 20 en philo....c'est totalement différent du math...c'est ça le charme de la philosophie , non?

samsoum said...

@Abdou: J'ai pas compris ta question au debut, puis j'ai vu que t'as ecrit sur le meme sujet. Desole, mais j'ai ecrit le mien bien avant de voir le tien.

samsoum said...

@Anonymous: t'as raison 2 ou 3 ans avant mon bac, on annoncait le resultat dans les journaux "La Presse" Et "Essabah". Je me rappele l'examen de sixieme, le resultat etait sur la chaine nationale de Radio :)

Anonymous said...

Naddou June 25, 2007 5:31 AM: "...ma3neha illi na3tioueh 15 mahouch mit4arrer, ama kif na3tiou 20 3la il manhaj wil ma3loumet, w yti7 bik we7ed 3andou 3er9 il falsfa w 3andou i4afa, houa illi bech yit4arrer, 5ater yama ma tzidou chay walla 9addech bech ta3tih? 21 ?..."

Ceci est valable aussi pour les sciences exactes comme les maths ou la physique. On peut répondre à une question en utilisant une méthode tirée par les cheveux et en remplissant plusieurs pages. On peut aussi trouver une réponse ingénieuse, élégante et courte. Dans les deux cas, on a tous les points de la question.

Un barême juste n'est pas un barême qui justifie les points attribués. Un barême juste est un barême qui justifie les points sanctionnés.

Hannibal said...

ya samsoum bil systeme ejeddid kallik tnejjim tjib hatta 21 mou3eddel fil bac ma naarefesh hel hkeya shiha welle le....

samsoum said...

@MetallicaNaddou: Wa47a barcha, merci pour l'explication.

@Hannibal: 7loua, 21 moyenne!!! N7ottouha fil Guiness book of Record :)) en plus ca parait possible d'apres les explications de Nadia et de Nouha.

Anonymous said...

:)) béhia héthi issadi9iya
wa9tha el bécha yo7kom fi tounes ?

3ala kol il est claire que le niveau avant était mille fois ..ti 9oul 1 millon fois mieux qu'au jourd'hui...fi béli innes il kol 7ket witkallmit ..fi béli elli sbab el baliya houa 9illet el 7azm ou ya 7assra 3al asetitht bikri ...kenou khaddema ...taw el osteth ilawij 3al Etude privé bech ikaddis el flous ...wallet sou9 ou dallel ....a7na in9Ariou fil Fac winchoufou fil mahezil ...7atta nivo el aset_tha walla 7ala ...donc naturel ittlemtha tkoun 7ala winnotek ikounou 7wila ..ou tisma3 ib moyenet kima 19,95 wa akhawetiha ...brabbi i7mid rabbi kif mazilna mawsilnech el 20/20 ...

Naddo_O said...

@anonymous: j'ai déjà dit moi même que ce raisonnement pouvait et était effectivement appliqué à des matières scientifiques, notamment des énoncés particuliers qui nécessitaient un effort de méthodologie et de rédaction particuliers, et des questions qui étaient utilisées pour différencier les élèves particulièrement inventifs du reste, et je ne trouverais rien à redire si on décidait de laisser cette marge d'ouverture sur certains énoncés pourant scientifique si cela s'avère nécessaire. maintenant la différence entre ces mmatières et la philo, c'est que pour des matières scientifiques, il y a des hypothèses de base qui mènent à un résultat donné, il n'y a pas 36000 solutions, le passage de l'hypothèse au résultat peut varier, mais reste basé sur les mêmes connaissances qui peuvent être des théorèmes ou autres, et considérées comme desdonnées figées et indiscutables, alors que pour la philo, il n'y a pas de vérité à démontrer ou à atteindre, il n'y a pas le même cheminement, les philosophes étudiés dnas les programmes sont là à titre de référenc, et la marge d'ouverture est mille fois plus importante et peut laisser librer cours à un cheminement différent pour chacun. bien entendu on peut établir un barème sur la base des thèmes et sous-thèmes abordés, et des idées développées et les références utilisées, mais cela ne suffit pas a justifier des notes de 19 et de 20, parce que la perfection, la vérité absolue, le résultat unique n'existe pas, et aprce qu'un devoir de philo c'est en quelque sorte une dissertation, il n'y a pas de perfection écriture. si on veut faire autrement et quantifier absolument tout de façon complète, on peut alors virer la philo et mettre à la place autre chose, quelque chose de plus figé, de plus quatifiable, qui puisse donner des réponses complètes méritant la note complète. ce n'est pas le cas de la philo et c'est totalement idiot de le supposer.

il ne s'agit pas de justesse de notation, il s'agit d'un fait plus grave, le fait de transformer des notions abstraites et ouvertes en une série de données à apprendre pa coeur pour coucehr sur papier le jour venu. et c'est là que réside tout le problème soulevé ici et ailleurs autour du bac, l'absence de réflexion dans la méthodologie, la course aux notes, et un système de notation qui favorise la médiocrité et la facilité

El Wati said...

est ce que vous a avez lu ca :p
es ce qu'il n'y a pas une législation qui interdit le faite d'etre mariée et poursuivre ses etudes dans un lyceé
[img]http://www2.bellapix.com/user/global/ACCOUNTS/USER45ccc89304875/images/remerciments.jpg[/img]
voici le lien de l'article d'origine :)
http://www.lapresse.tn/pdf/la_une_pdf/2007-06-24_une.pdf

Anonymous said...

Cher Samsoum, l'objectif final est de se débarrasser du bac comme concours national. Dans le sens du système allemand ou anglo-saxon. Le bac tel que l'on a toujours connu est un héritage du système français.

Ceci s'inscrit probablement dans un réforme où l'écrémage se fait au niveau universitaire. À long terme on tend vers un système américain, avec des universités indépendantes, privées, etc.

Ça d'un côté. Il y a aussi la question des chiffres. Le pourcentage d'étudiants au niveau universitaire est un indicateur externe de développement. Ce chiffre sert à s'attribuer les faveurs de la Banque Mondiale et du FMI, ainsi que des investissements étrangers : du genre : regardez on a tel nombre de ressources hautement qualifiées...

Il s'agit donc d'une politique intentionnelle, bien (ou mal?) calculée. D'ici 10 ans on en mesurera les effets.

Personnellement j'ai toujours pensé que le Bac est une aberration du système éducatif. Un gaspillage.

À mon sens chaque université devrait avoir ses propres examens d'entrée, et son propre comité de sélection. Ceci ne pourra être réalisé que si les université sont réellement indépendantes , ce qui est loin de se réaliser, parce que politiquement "très risqué"...

samsoum said...

@Riadh: Oui j'ai vu cela et je crois que la loi n'interdit pas le fait d'etre marie et d'aller au Lycee.
@Houssein: C'est evident que c'est pour les statistiques et aussi pour ne pas avoir le probleme de jeunes a l'age de 19 a 22 ans qui quittent l'ecole faute d'echec au bac et reste en chomage, ce qui est tres dangereux pour le pouvoir. Des chomeurs eduques posent moins de danger.
Pour le Bac, je suis tout a fait d'accord. C'est les universites qui doivent avoir un concours d'entree pour les eleves qui ont accompli leurs etudes secondaires. Meme si c'etait l'objectif a long terme, je trouve qu'on est entrain de sacrifier une generation en leur donnant un faux espoir!

Anonymous said...

ahla b si samsoum,
ena min BAC ettis3inett (90s), awwalann.
7abbit nqollek elly tqoul fih s7i7 ama sayyeb 3lik loughet chkoun khyr 3ala khater ta generation hia elly to7kom fil bledd we zid gharrqitha. We ta generation hia aussi elly tqarry fil la generation d´etudiant mte3 tawwa.
ma3neha yezziw min loughet tawwa ejjme3a ka3ba lee, au moins tawwa barcha twensa yo3brou a l´etranger , we el 3abdou lilla minhom.
Sinon le reste 3andekl el 7aq fi fazet el 19,95 edhika bech tdharre7 el bac mte3 tounes.

Téméraire said...

Bonjour Samsoum, Je t'ai précédé sur le sujet de Création des Entreprises en Tunisie, tu m’as court-circuité sur ce sujet du Bac, Yallah taw nkhammem fi mawdhou3 ékher.

Bon paradoxalement aux notes Extrêmes supérieures, il ya aussi les notes extrêmes inférieures.
J'ai vu des personnes cette année réussir avec 9,50 de moyenne et j'ai entendu (kalou) qu'il y avait des réussites avec 9.
J'ai constaté aussi des recalés pour la cession de contrôle avec 8,25 et on m'a dit qu'il y avait aussi des personnes à 6,5 qui seront dans cette cession.

Tkabb sa3dha lekraya.

samsoum said...

@Julian Sark: Ce que tu dis est vrai, notre generation qui etait disons meilleurement forme n'a pas su former une aussi bonne generation. Je me demande comment vous allez former la prochaine generation :))
Au fait, je plaisantais dans mon post, le probleme est beaucoup plus important que cela, je ne vise pas les personnes mais le system

@Tmrr:Ben oui, tu arrives trop tard :)

Anonymous said...

@MetallicNaddou: Je suis tout à fait d'accord que les matières dites scientifiques sont différentes de la philosophie car "il n'y a pas 36000 solutions". Mais, je trouve que cette différence devrait augmenter le nombre de 20/20 en philosophie puisqu'il y aurait plusieurs bonnes réponses possibles ;-)

Bref, ce n'est pas la note en philo ni celle en Français qui font des moyennes de bac comme celles que nous voyons aujourd'hui. C'est surtout, et comme tu l'as souligné, l'absence de questions qui font différencier les bons éléments des moins bons. Cette absence rends le niveau des épreuves de math et de physiques ridicule.

En math et en physique on peut se permettre de mettre de telles questions car on peut les isoler et "limiter les dégats". En philo, on ne le peut pas.

Une solution qui conviendrait pour les 2 cas peut consister à utiliser la "majoration", qui consiste à donner des épreuves assez longues et de difficulté croissante avec les questions. On attribue d'abord une note préliminaire (sur 60 ou sur 100 par exemple). Ensuite, on majore toutes les notes en attribuant une note finale de 20 au meilleur élève et en pondérant les autres notes en conséquence (ceux qui ont fait l'IPEST reconnaissent sûrement ce système). Cette méthode peut s'appliquer auusi à la philo avec quelques modificatiosn mineures :-)

pure_honey_tounsi said...

je crois que le rang serait plus significatif que la moyenne avec ces nouveaux critères

je me suis aussi posée la question pour ces 20 en philo, à mon époque, personne n'avait la moyenne dans cette matière, personnellement j'ai eu 4/20
pareil en sport, à part quelques exceptions, on avait tous entre 12 et 14 en moyenne
et les 19 ou 20 en maths & physiques servaient à compenser ces matières

*on peut étudier au lycée alors qu'on est marié, mais pour les filles, il faut présenter régulièrment certificat médical qu'on n'est pas enceinte (c un motif d'exclusion). L'année de mon bac, une amie mariée s'est faite exclure à cause de sa grossesse et a du passer le bac en candidate libre(obtenu avec mention très bien)

جحا ولد الربط said...

عسلامة عمي الراجل اخطانا من الحكاية هذي على خاطر البل تسير على كبارها و احنا تبارك الله علينا كبيرنا قراي ياسر و عيني ما تظرو حتى كان يعملو لانتخابات البرة انقولو في همريكيا تو ينجح كي العادة ب 99.9999999 في الميا و ربي ايفضلو اكا الجماعة الدايرين بيه و ايعديولو في الامتحانات.