Sunday, May 20, 2007

ترجّي يا دولة



سأعيش رغم الدّاء والأعداء
كالنّسر فوق القمّة الشماء
أدنو إلى الشمس المضيئة هازئا
بالسحب والأمطار و الأنواء
لا ألمح الظل الكئيب ولا أرى
ما في قرار الهوة السـوداء



هاذيكا هي المكشّخة،حفرولها من كلّ شيرة ، بولتيك ، سابوتاجت ، تنبير. مشي في بالهم و جدّ عليهم اللّي وفا ما عادش بش تقوملها قايمة.

تي يا اولادي فمّا جمعيّات عريقة في تونس الهدف متاعها الوحيد هي ، أنّها تربح المكشّخة ، وبعد عشرة سنين حقّقوا أمنيتهم وحلّوا عقدتهم والنّاس فرحت و هاجت وماجت تقولش عليه جابو الصّيد من وذنو. ياخي رساتلهم عالضّحضاح. قالك لا سايي التّرجّي ما عادش يقوملها قايمة. دّويو ، كان نلحق عيني نشرمها أمّا نخاف علي عدمها. اللّي يحسب وحدو يفضلّو وما يقعد في الواد كان حجرو


المفيد ، بملاعبيّة حالة حليلة ومدرّب كعبة لا، روّحنا بالكاس لباب سويقة ونفتح قوس بش نقول اللّي كارو اسمو كاس تونس موش كاس رييس الجمهوريّة. تي حاسيلو انشاللّه حتّي كاس تاي، هاوك خلطوا علي أخوتهم العشرة اللّي سبقوهم. وحيّد آخر ويولّي سرفيس دوزان أو طزّينة حاشي عينيكم.

أما الصّيودة جبنا منهم عشرين من وذنيهم ما عادش عارفين فين نحطّوهم :)))
هي بصراحة التّرجّي راهي عمشة في دار العميان، علي خاطر المستوي متاع الكرة في تونس يلزمو ميزانيفو كبير :)))

المفيد ترجّي يا دولة , تسعين سنة تاريخ و جمهورها وحدو بحضوره يطيّح الماء في الرّكايب

أيّا خلّي نمشي نتخبي :))

11 comments:

Slaim said...

da77aktni ya samsoum yotwallak, ana mouch ma3'room jimla bil koora ama bilwasf mte3ik hatha barra 9olna taraji ya dawla :)

samsoum said...

@salim: ayya hana rba7na fik thwab hallila :)

ancien combattant said...

le plus beau c'est que les frères ennemis courent toujours derrière quelque chose... :)

Mira said...

zeyed m3a lemkach5a ;)

Slim said...

matet5abech ya m3allem, rak mkacha5 ;))

CITIZEN said...

Mabrouk el coup.
Je ne suis ni ésperantiste ni clubiste, nabbar en quelques sortes.
L'ironique cette saison, c'est que en comparant le parcours des deux équipes on constate ce qui suit :
1 L'EST vient de passer l'une de sa pire saison depuis une dizaine d'années, elle termine quand même avec un titre qui n'est pas le championnat certes, mais sa saison est sauvée.

2 Le CA qui vient de passer sa meilleure saison depuis une dizaine d'années ( ça fait longtemps qu'il n'a pas été aussi proche du titre) termine les mains vides.

Encore Mabrouk.
a+

Mils said...

mkachakh en plus !! :)
Zeyid lekbir dima kbir ;)

Bloton said...

Bon, il faut qd même enlever du palmarès qques titres chiboubiens si tu vois ce que je veux dire:p

Emir said...

Ya 5ouya mabrouk alikom ama men ghir ma tay7ou 9dar el jam3iyet lo5ra ! Moi je suis clubiste, et il est vrai que ma hazzina chay depuis qque temps, mais mouch mochkol, au moins el boutoula 3am essna avait du gout et du suspense, mouch kima depuis qques années, dés la phase aller on connait qui est le champion, et surtout comment :))

Anyway, el saison wfet tawa, fokk alina mel koura ! Cheers

Kaiser said...

J'avais en quelque sorte prévu un dénouement tragique pour le club africain (we 3ilm el ghayb l rabbi)

Ici

W MABROUK L TARAJI

samsoum said...

@Kaiser: Je me rappele bien :)
J'ai meme emis mon pronostic sur ton post qui comme on le sait bien s'est avere juste. Yal3bou 3al chicha :))